kam_angel
عضو ذهبي
عدد المشاركات : 1451
العمر : 37
العمل/الترفيه : متخرج
البلد : 
نقاط التميز : 2110
تاريخ التسجيل : 03/04/2009
 | موضوع: جهازك الشخصى لكشف الكذب ....  الجمعة 14 أغسطس 2009 - 2:57 | |
| جهازك الشخصى لكشف الكذب ....
السلام عليكم ورحمه الله وبركاته
اخواتنا فى الله ..
الكل يتكلم..الكل يحكى..الكل يؤلف حوارات ومواضيع ولكن .......
عايز تعرف إذا كان اللي قدامك بيكذب أو بيقول الحقيقة بمجرد نظرة عينيه؟
ركزوا معى ياحلوين شويه..
المخ بتاعنا أيها الاخوات الافاضل نصين..
النص اليمين والنص الشمال..
@النص اليمين@
وظيفته كالتالي:
هو النصف المخصص للإبداع والتأليف والخيال..
@النص الشمال@
وظيفته كالتالي:
هو النصف المخصص للحقائق والذكريات....
والان تعالوا نلعب لعبة جميله
لو سألت حد الأسئلة دي..
هتكون تابعة لأي نصف؟؟
اختار إنت النص المناسب لكل سؤال:
واحد + واحد =؟؟؟؟
اليمين
/
الشمال
خرجت فين امبارح؟
اليمين
/
الشمال
ياترى أديس أبابا دي عاملة ازاي؟
اليمين
/
الشمال
تفتكر شكلك هيكون ازاي بعد 30 سنة؟
اليمين
/
الشمال
فهمتو قصدي؟؟
كل نصف مخصص لحاجة معينة.. وإنتم عرفتوها بالضبط..
طيب.. تعالوا نخش في الموضوع بقى..
ازاي نكشف الكذاب؟؟
علامات العينين
تفترض البرمجة اللغوية العصبية إن حركات العينين بتاعتنا لما بنفكر.. مش عشوائية خالص..
يعني كل حركة ليها معنى وهدف..
ولو عرفنا معنى كل حركة منهم.. هنعرف الشخص ده بيفكر في إيه..
تعالو نوضح بالظبط شمس تقصد إيه.....
اولا يمين...
لو الشخص بص لناحية اليمين (يمين تماما أو بزاوية لفوق) وهو بيفكر..
يبقى بيتخيل...
لأن معنى الحركة دي، إن العين اتحركت عشان تجيب المعلومة من النص اليمين للمخ.. المخصص للخيال زي ما قلنا...
ثانيا شمال
لو الشخص بص لناحية الشمال (شمال تماما أو بزاوية لفوق) وهو بيفكر..
يبقى بيتذكر...
لأن معنى الحركة دي، إن العين اتحركت عشان تجيب المعلومة من النص الشمال للمخ.. المخصص للذاكرة والحقائق زي ما قلنا...
ثالثا في النص!
هتلاقي واحد لما تسأله أي حاجة.. هتلاقيه بص قدامه مع إرخاء الجفون قليلا.. ده مافيش منه رجا لأنه عمل حاجة اسمها (التذكر اللاتركيزي) أو (التخيل اللا تركيزي)...
ودي لا هي يمين ولا شمال -عدم المؤاخذة-..!
لو ماخرجش من الحالة دي يبقى حركات العينين مش هتفيد في معرفة تفكيره.. وفى الحاله ديه
تعالوا نلعب شويه...
بص شمال....
جرب مع واحد قريب ليك واسأله سؤال بيعتمد على الذاكرة.. وراقب عينه وهي بتروح ناحية الشمال تجيب المعلومة:
اوصف لي مدرستك في ابتدائي بالتفصيل..
عملت إيه امبارح أول ما صحيت من النوم؟
اوصف لي مدرس العربي بتاعك في إعدادي بالتفصيل...
بص يمين.....
جرب مع واحد قريب ليك واسأله سؤال فيه خيال.. وراقب عينه وهي بتروح ناحية اليمين..:
تخيل بالضبط شكل عمارتك لو كان لونها برتقالي منقط أزرق
تخيل "عمرو دياب" بيغني بصوت "هاني شاكر"...
على فكرة.. مش كل الناس بتتخيل بسهولة.. ممكن تلاقيه بص للشمال عشان يفتكر أساسا شكل عمارته إيه أو يفتكر أساسا صوت "هاني شاكر" عامل ازاي! بس لما يعرف يوصل للتخيل الحقيقي هتلاقيه بص يمين.
جهاز كشف الكذب
تعرف بقى إننا ممكن نستغل الملحوظة البسيطة دي في إننا نكشف اللي بيكذب؟؟
لو بيحكي حاجة حصلت فعلا: هيبص للشمال!
لو بيألف وبيخترع موقف: هيبص لليمين!
ملاحظه هامه جدااااااا!!
المهم تخليه يتكلم في التفاصيل ويفضل يتكلم كتير جدا جدا.. اسأله عن التفاصيل عشان تعرف هو بيفتكر ولا بيألف... وتدي نفسك فرصة تلاحظ معظم حركات عينه ناحية أي اتجاه.
تعالوا نلعب لعبة:
عشان نحفظ بقى..صاحبك ده صادق ولا كذاب؟؟؟
اختار الإجابة الصحيحة
اولا خاص بالاخوات..
ماقدرتش أعدي عليكى ياشمس النهارده.. عشان عديت على "منى" لأنها كان عايزاني أوصلها مشوار.. قالت لي إنها عايزاني في موضوع كده وحكت لي عن اللي حصل معاها في أول الأجازة.. شكلها عملت كويس في الامتحانات بيني وبينك.. عموما ماقدرتش أعدي عليكى عشان كده.........
صادقه
كذابه
عندي مكتبة في البيت.. المكتبة دي فيها ييجي 200 كتاب.. مكتبة كبيرة جدا ولونها بني ورفوفها مستطيلة...... إلخ
صادقه
كذابه
أنا كنت بطل المدرسة في البوكس.. فاكر يوم البطولة لما خدت ميدالية ذهبية.. فاكر اليوم ده بالضبط.. لأني قابلت "الشحات مبروك" وقال لي:............ ............. إلخ
صادق
كذاب
مين الشاطر اللى هايعرف يجيب على الثلاث مواقف ..؟
بس متنسووووووش
1- تخلى صديقك يتكلم كتير ويدخل في تفاصيل عشان تعرف تلاحظ حركة عينه كويس..
2- ماتحكمش على حد عن طريق حركة العين بس.. ممكن يكون بيألف بس بيفتكر حاجة مشابهة بيحكيها.. أو يكون بيقول الصدق بس يكون بيتخيل حاجة ليها علاقة باللي بيقوله.. ماتحكمش على حد باستخدام الطريقة دي بس.
لعبنا مع بعض اليوم كثيرا...
اسال الله ان تكونوا استفدتم شئ جديد
وللامانه العلميه
هذه المعلومات بقلم د/ شريف عرفه | |
|
brahim_sma
عضو ذهبي
عدد المشاركات : 1336
العمر : 40
العمل/الترفيه : طالب + موظف
البلد :
نقاط التميز : 1528
تاريخ التسجيل : 10/09/2008
| | موضوع: رد: جهازك الشخصى لكشف الكذب .... الجمعة 14 أغسطس 2009 - 12:37 | |
| صحييت خويا على الموضوع  :بارك الله فيك معلومات قيمة bra | |
|
kam_angel
عضو ذهبي
عدد المشاركات : 1451
العمر : 37
العمل/الترفيه : متخرج
البلد :
نقاط التميز : 2110
تاريخ التسجيل : 03/04/2009
| | موضوع: رد: جهازك الشخصى لكشف الكذب .... الجمعة 14 أغسطس 2009 - 12:40 | |
| شكرا أخي ردك صادق  | |
|
brahim_sma
عضو ذهبي
عدد المشاركات : 1336
العمر : 40
العمل/الترفيه : طالب + موظف
البلد :
نقاط التميز : 1528
تاريخ التسجيل : 10/09/2008
| | موضوع: رد: جهازك الشخصى لكشف الكذب .... الإثنين 17 أغسطس 2009 - 18:53 | |
| | |
|
kam_angel
عضو ذهبي
عدد المشاركات : 1451
العمر : 37
العمل/الترفيه : متخرج
البلد :
نقاط التميز : 2110
تاريخ التسجيل : 03/04/2009
| | موضوع: رد: جهازك الشخصى لكشف الكذب .... الإثنين 17 أغسطس 2009 - 22:59 | |
| | |
|
