الغاز وحجايات جدة

يا جماعة راها لافير ما تستناش هاد اليامات راني كملت الرينيو مع جدة الله يحفضها لنا وراها اعطاتلي اظافة لنصائحها القيمة بعض الالغاز اللي راها تكسر الراس غير ردو بالكم

الاولى

قالك: تلاتة سردي مردي وتلاتة ورد مندي وتلاتة قلب وادي

التانية :
قالك كبشنا قرببو مائة رصاصة في جنبو

التالتة :

ويامحاينك......قالك عرمت عريريم من الحجر ما عرفتو لا انثى ولا ذكر حتى دار الشواشي

في خاطرك ياا لادمين

خطى الياسين

في خاطرك ياا لادمين??????????????????
احممممممممممم

قلتلكم ما تتكلوش عليا.... par ce que مخي راه في عطلة أمــومة

راك تقول يا خويا زاكي

bra

بصح اسمحلي جداتك سيبسيال
ما لقيتلهمش الحل
انا نمدلكم هذا و جابوني**يستطيع حمل قنطار و لا يستطيع حمل مسمار*

awah ya koko machi nta3 3jayez hadik jwabek hwa albahr
Jawbona 3la hjayat yacine

و انا واش قلت علابالي اللي مديتهالكم جيبوهاماشي سيبيسيال كيما نتاوع جدات ياسينو
و شكرا الاخت اماني على الاجابة الصحيحة

ااااااااواه ماشي هكدا التحضر خلاكم تبعدو على جدودكم

اوموان خلوهم يحكولكم علابالي باللي هاد الحجايات خلاوكم ما تناموش الليل من التخمام امال دوك نعطيكم جوابهم

الاولى
تلاتة سردي مردي هي تلات شهور الخريف
وتلاتة ورد مندي تلات شهور الربيع
وتلاتة قلب وادي الصيف
وهادي داخلة في الزراعة اما الشتا مازال ماجاب عليها حتى قلال

geek

التانية
كبشنا قرببو مائة رصاصة في جنبو يقولو العنب

study

التالتة
عرمت عريريم من الحجر ماعرفتو لا انثى ولا ذكر حتى دار الشواشي هو البيض

cheers

هاه سي بون ارتحتو

تحياتي خطى الياسين